Յուն Սոկ Յոլին մեղադրանք է ներկայացվել․ #Yonhap

740

Երկուշաբթի, 27 հունվարի, 2025 թ., 09:44

Հարավային Կորեայի դատախազությունը պաշտոնական մեղադրանք է ներկայացրել նախագահ Յուն Սոկ Յոլին: Այս մասին հայտնում է Yonhap լրատվական գործակալությունը։

Նախագահը մեղադրվում է ապստամբության, մասնավորապես, ռազմական դրություն սահմանելու պատճառով պետական կարգը խախտելու մեջ։

Ապստամբությունն այն քիչ հանցագործություններից է, որի համար Հարավային Կորեայի նախագահի անձեռնմխելիության իրավունքը չի գործում։ Օրենքն այդ մեղադրանքի համար նախատեսում է ցմահ ազատազրկում կամ մահապատիժ։

Հիշեցնենք, որ Յուն Սոկ Յոլը ձերբակալվել էր հունվարի 15-ին, իսկ հունվարի 19-ին դատարանը նրան կալանավորելու որոշում էր կայացրել։