Պաղեստինցիներն սկսել են զանգվածաբար վերադառնալ Գազայի հյուսիս

877

Երկուշաբթի, 27 հունվարի, 2025 թ., 21:21

Պաղեստինցիներն սկսել են զանգվածաբար վերադառնալ Գազայի հյուսիս: Սպասվում է, որ Գազայի կենտրոնական և հարավային հատվածում գտնվող մոտ 650 հազար պաղեստինցի կվերադառնա հյուսիսում գտնվող իրենց տները: Միայն անցակետի բացման առաջին երկու ժամում վերադարձել է 200 հազար մարդ։

Իսրայելը բացել է անցակետերը այն բանից հետո, երբ ՀԱՄԱՍ-ը համաձայնել է հինգշաբթի օրը հանձնել իսրայելցի պատանդ Արբել Յեհուդին և ևս երկու պատանդի, իսկ շաբաթ օրը ևս երեք պատանդի։ Իսրայելի բանակի խոսնակ Ավիչայ Ադրայը ժամանակային սահմանափակում է սահմանել պաղեստինցիների վերադարձը Գազայի հյուսիս իրականացնելու համար: Բնակիչներին թույլատրվում է ոտքով վերադառնալ Գազայի հատվածի հյուսիս՝ Նեցարիմ ճանապարհով և ծովի երկայնքով՝ Ռաշիդ փողոցով: