Իսրայելն սկսել է ռուսական զենք մատակարարել Ուկրաինային. OSINTdefender

1084

Երեքշաբթի, 28 հունվարի, 2025 թ., 00:20

Իսրայելը, բաց աղբյուրներից ստացված տեղեկատվության համաձայն, սկսել է Ուկրաինային մատակարարել ռուսական զենք, որը գրավել է Մերձավոր Արևելքում ռազմական գործողությունների ժամանակ։ Այս մասին հայտնում է OSINTdefender հարթակը, որը վերլուծում է ռազմական հակամարտությունները Եվրոպայում և աշխարհի այլ տարածաշրջաններում։
Նրա խոսքով, այս շաբաթ ԱՄՆ-ի ռազմաօդային ուժերի Boeing C-17 ռազմատրանսպորտային մի քանի ինքնաթիռներ Գերմանիայի «Ռամշտեյն» ավիաբազայից օդ են բարձրացել Իսրայելի հարավում գտնվող «Հացերիմ» ավիաբազա, որից հետո ուղղվել են Լեհաստանի հարավ-արևելքում գտնվող Ժեշով քաղաք, հայտնում է DW-ն։ Քաղաքը հանդիսանում է ԱՄՆ-ի և ՆԱՏՕ-ի երկրների կողմից Ուկրաինային տրամադրվող ռազմական օգնության հիմնական լոգիստիկ հանգույցը:

Հնարավոր առաքումները ներառում են տանկեր, հակատանկային կառավարվող հրթիռներ և զինամթերք, ինչպես նաև Patriot զենիթահրթիռային մի քանի մարտկոցներ, որոնք Իսրայելի ռազմաօդային ուժերը պատրաստվում էին շահագործումից հանել, և որոնք նույնպես քննարկում էին Ուկրաինա տեղափոխելու համատեքստում, նշում է OSINTdefender-ը։

Մինչդեռ Կիևում հրեական պետության դեսպան Միխայիլ Բրոդսկին հայտարարել է, որ Իսրայելը որոշում չի կայացրել Ուկրաինային ռուսական արտադրության զենք մատակարարելու մասին։