Թրամփը «Երկաթե գմբեթի» ստեղծման մասին հրաման է ստորագրել

854

Երեքշաբթի, 28 հունվարի, 2025 թ., 10:14

ԱՄՆ նախագահ Դոնալդ Թրամփը հայտարարել է իսրայելական «Երկաթե գմբեթ» հակահրթիռային պաշտպանության համակարգի ամերիկյան օրինակի ստեղծման մասին, հայտնում է NBC News-ը։

Հակահրթիռային պաշտպանության «վահանի» ստեղծումը Թրամփի նախընտրական խոստումներից մեկն էր։ Ենթադրվում է, որ հակահրթիռային պաշտպանության համակարգերն ամբողջությամբ կարտադրվեն ԱՄՆ-ում։

«Մենք պետք է անհապաղ սկսենք ժամանակակից հակահրթիռային պաշտպանության վահանի՝ «Երկաթե գմբեթի» ստեղծումը, որը կարող է պաշտպանել ամերիկացիներին»,- ասել է ԱՄՆ նախագահը։ Սպիտակ տունը հայտարարել է, որ Միացյալ Նահանգները բալիստիկ, թևավոր և հիպերձայնային հրթիռների «աղետալի սպառնալիքի» հետ է բախվում: