Ադրբեջանը, Թուրքիան և Ուզբեկստանը պայմանավորվել են միմյանց աջակցել սպառնալիքների դեպքում

Ադրբեջանը, Թուրքիան և Ուզբեկստանը պայմանավորվել են համատեղ գործողություններ ձեռնարկել իրենց ինքնիշխանության և տարածքային ամբողջականության խաթարմանն ուղղված քայլերի դեմ։

Այս մասին ասվում է Անկարայի հռչակագրում, որն ընդունվել է երեք երկրների արտաքին գործերի, էկոնոմիկայի/առևտրի և տրանսպորտի նախարարների երկրորդ եռակողմ հանդիպման արդյունքներով։

Փաստաթուղթը ընդգծում է արդի տարածաշրջանային և միջազգային հարցերի շուրջ համագործակցության ամրապնդման կարևորությունը և աջակցություն է հայտնում պետությունների ինքնիշխանությանն ու տարածքային ամբողջականությանը ուղղված մարտահրավերների դեմ համատեղ գործողություններին։