Հնդկաստանում փառատոնի հրմշտոցի հետևանքով զոհերի թիվը հասել է 40-ի

2657

Չորեքշաբթի, 29 հունվարի, 2025 թ., 18:56

Հնդկաստանի Ութար Պրադեշ նահանգում Kumbh Mela կրոնական փառատոնի ժամանակ տեղի ունեցած հրմշտոցի հետևանքով զոհերի թիվը հասել է 40-ի:

Այս մասին հայտնում է Reuters-ը՝ ոստիկանության աղբյուրներին հղումով։

Kumbh Mela փառատոնն անցկացվում է Հնդկաստանի հյուսիսում 12 տարին մեկ անգամ։ Հունվարի 13-ին դրա մեկնարկից ի վեր ավելի քան 110 միլիոն ուխտավոր արդեն մասնակցել է փառատոնին՝ լողանալով Գանգես գետում։ Ակնկալվում է, որ ընդամենը 45 օրվա ընթացքում փառատոնը կներգրավի 450 միլիոն մարդու, այդ թվում՝ 1,5 միլիոն օտարերկրացիների: