«Եթե ինձ մնար, կթանկանար տրանսպորտն ավելի շատ». Անի Խաչատրյան
![]() 893 Չորեքշաբթի, 29 հունվարի, 2025 թ., 22:12 Երեքշաբթի օրը՝ հունվարի 28-ի երեկոյան Երևանի քաղաքապետ Տիգրան Ավինյանը տեսաուղերձի միջոցով հայտարարեց, որ հանրային տրանսպորտի գինը վերանայվել է՝ դարձել է 150 դրամ՝ 300 դրամի փոխարեն: Սա փաստացի Ավինյանի երկրորդ հետքայլն է՝ տրանսպորտի սակագնի բարձրացման հարցում: Թեմայի վերաբերյալ «Հրապարակը» զրուցել է Երևանի ավագանու «Հանրապետություն» խմբակցության անդամ Անի Խաչատրյանի հետ: - Տիկին Խաչատրյան, քաղաքացիների մոտ տպավորություն է ստեղծվում, թե իշխանությունները՝ «Հանրապետություն» խմբակցության հետ միասին անմտածված քայլեր են անում, չհիմնավորված թանկացումների գնում: Դրա վառ ապացույցը Ավինյանի երկրորդ հետքայլն էր: Ստացվում է, որ ոչ մի հաշվարկ չե՞ք անում՝ նման կտրուկ թանկացումից առաջ: - Ոչ, բնականաբար այդպես չէ, հաշվարկներ արվում են ու դրանք կան, մենք ասել ենք, որ Երևանի կողմից արվող դոտացիաների հաշվին է, որ նման զիջումներ են արվում: Այսինքն՝ մենք շարունակելու ենք քաղաքային բյուջեից գումար տրամադրել ավտոբուսների համար, քաղաքացիների անհանգստությունների պատճառով: Բայց այնպես չէ, որ նահանջ է ու մենք մեր նախնական ասածներից հետ ենք կանգնել, ոչ, բացարձակ: Ուղղակի առաջարկվում են փաթեթներ ու 150 դրամ: - Դե, այնպես չէ, որ Երևան քաղաքի բյուջեն ինչ-որ մեկն իր հայրական տնից օժիտ է բերել, դա էլ է քաղաքացիների հարկերի հաշվին գոյանում: Ի դեպ՝ ո՞վ է հաշվարկներ անո՞ւմ: - Հաշվարկներն արվում են համապատասխան բաժինների ու վարչությունների կողմից, հաշվարկներ արվել են, ֆինանսները մեզ է ներկայացնում, ինչից հետո մենք էլ մեր մասնագիտական հանձնաժողովներում քննարկում ենք այդ հարցերը: - Մարդիկ 150 դրամից էլ են դժգոհ, այդ հավելյալ 50 դրամից է՞լ գուցե հետ կանգնեք: - Գիտեք ինչ, ես 300 դրամի, ներողություն, երեք անգամյայի կողմնակից եմ, ու ես ինքս հետ չէի կանգնի թանկացումից, բայց մեզ մոտ որոշումները մեծամասնությունն է կայացնում, եթե ինձ մնար, կթանկանար տրանսպորտը ավելի շատ: Առավել մանրամասն՝ սկզբնաղբյուրում: |
«Վրաստանի քաղաքացի մեր հայրենակիցները վրացական պետհամարանիշով սեփական մեքենայով կարող են 1 տարի մնալ ՀՀ տարածքում»․ Գառնիկ Դանիելյան
184Երեկ, 11:36«Կազմակերպություններն էլեկտրական մեքենաները ներկրել են որպես անհատներ, իսկ իրենց տրված 3000 քվոտան պահել են»․ Վահե Գևորգյան
206Երեկ, 10:12«Շիրակի պարեկները տուգանել են աջ ղեկով մեքենայի վարորդի կողքի ուղևորին». Կարապետ Պողոսյան
40616.02.2025, 23:36«Ավտոբուսի վարորդների իրավունքների ու պարտականությունների մասին». Հայկ Մարության (տեսանյութ)
30416.02.2025, 21:24Իրավիճակը ՀՀ ավտոճանապարհներին
19716.02.2025, 20:12«ՊԵԿ-ը պատասխանել է տրանսպորտային միջոցների ներմուծման վերաբերյալ իմ հարցմանը»․ Գառնիկ Դանիելյան
37214.02.2025, 19:00«Խիստ վարչարարություն պետք է իրականացվի ոչ ձմեռային անվադողերով երթևեկողների նկատմամբ»․ Դանիել Իոաննիսյան
33514.02.2025, 18:36Porsche-ն նախատեսում է կրճատել 1900 աշխատատեղ
107713.02.2025, 21:14