Ջրասույզները դուրս են բերել կործանված ինքնաթիռի սև արկղերից մեկը

Ջրասույզների խումբը հայտնաբերել է Վաշինգտոնի մերձակայքում կործանված ինքնաթիռի սև արկղերից մեկը։

Այս մասին հայտնում է CBS News հեռուստաալիքը։ Դեռևս պարզ չէ՝ արկղը օդանավի ինքնաձայնագրիչն է՞, թե՞ թռիչքի պարամետրերի տվյալները պահպանող սարքը։

Հիշեցնենք, որ ավիավթարը տեղի է ունեցել հունվարի 30-ին։ Bombardier մարդատար ինքնաթիռը երկնքում բախվել է Black Hawk ռազմական ուղղաթիռին և ընկել Փոթոմակ գետը՝ Վաշինգթոնի Ռոնալդ Ռեյգանի օդանավակայանի մոտ։ Նախնական տվյալներով՝ ինքնաթիռում եղել է 64 մարդ, որից 60-ը մահացել է։