«Գրենլանդիան ԱՄՆ-ին պետք է չինական սպառնալիքին դիմակայելու համար». Ռուբիո

ԱՄՆ պետքարտուղար Մարկո Ռուբիոն կարծիք է հայտնել, որ Միացյալ Նահանգները պետք է վերահսկի Գրենլանդիան՝ դա բացատրելով այն մտավախությամբ, որ Չինաստանը կփորձի զավթել այդ տարածքը՝ արկտիկական տերություն դառնալու համար:
«Կարելի է պատկերացնել, որ ի վերջո, գուցե նույնիսկ կարճաժամկետ հեռանկարում, չինացիները կփորձեն Գրենլանդիայում անել այն, ինչ նրանք արդեն արել են Պանամայի ջրանցքում և այլուր՝ ստեղծել այնպիսի կառույցներ, որոնք նրանց թույլ կտան մուտք գործել Արկտիկա՝ չինական ընկերությունների քողի տակ»,- ասել է Ռուբիոն։

Պետքարտուղարը նշել է, որ դա լիովին անընդունելի է ԱՄՆ ազգային անվտանգության համար։