«ԵԱՏՄ-ն պետք է մեծացնի ֆինանսավորման հասանելիությունը համատեղ բիզնես նախագծերի համար»․ Մհեր Գրիգորյան

ԵԱՏՄ-ն պետք է մեծացնի ֆինանսավորման հասանելիությունը համատեղ բիզնես նախագծերի համար, իսկ Հայաստանում մաքսային և լոգիստիկ ենթակառուցվածքը պետք է արդիականացվի։ Այս մասին Ալմաթիում կայացած Եվրասիական միջկառավարական խորհրդի նիստում ասել է ՀՀ փոխվարչապետ Մհեր Գրիգորյանը։

«Սա հատկապես կարևոր է Հայաստանի համար՝ հաշվի առնելով միության անդամ մյուս երկրների հետ ընդհանուր սահմանների բացակայությունը», նշել է փոխվարչապետը: