«Նկատում ենք, որ մարդիկ ամաչում են չվճարելուց»․ Սամվել Հակոբյան

«Կան մարդիկ որ ասում են լավ են անում, որ թանկացնում են, հասկանալի է նիկոլապաշտներն են: Բայց մեծ մասը կողմ են բոյկոտին։ Նկատում ենք, որ մարդիկ ամաչում են չվճարելուց, մենք էլ ասում ենք՝ ձեզ ուզում են թալանել, դուք իրավունք ունեք պահանջելու այս ապիկար որոշման կասեցումը։ Այս թանկացումը լեգիտիմ չէ, մենք իրավունք ունենք այն բոյկոտել»,- ասում է Երևանի ավագանու «Մայր Հայաստան» խմբակցության անդամ Սամվել Հակոբյանը, ով վաղ առավոտից խմբակցության մյուս անդամների հետ բողոքի ակցիաներ է իրականացնում՝ կոչ անելով քաղաքացիներին բոյկոտել տրանսպորտի թանկացումը։
Հիշեցնենք՝ Երևանի ավագանին 33 կողմ ձայնով ընդունել է որոշումը, որով 1 ուղևորության համար սահմանվել է 150 դրամ, գործելու են նաև միասնական տոմսային համակարգի փաթեթները։