Թուրքիայում բեռնատարն ընկել է կամրջից. կան զոհեր և վիրավորներ

Թուրքիայի հարավ-արևելքում գտնվող Շանլըուրֆա քաղաքում բեռնատարն ընկել է կամրջից, ինչի հետևանքով երեք մարդ զոհվել է, ավելի քան քսանը՝ վիրավորվել, հայտնում է NTV-ն։ «Բեռնատարը, որի արգելակները խափանվել էին, դիմացից եկող մեքենաների հետ միասին կամրջից դուրս է թռել։ Վթարի հետևանքով երեք մարդ մահացել է, 22-ը՝ վիրավորվել»,- հաղորդում է հեռուստաալիքը։
Տեղի իշխանությունների տվյալներով՝ զոհվածներն ու վիրավորները Թուրքիայի քաղաքացիներ են։