«Ո՞նց հասկացնենք, որ ինքնության մաս կազմող նման ֆորմաները պետք է աչքի լույսի պես պահպանել». Վիկտոր Մնացականյան

Կենտրոն վարչական շրջանի նախկին ղեկավար Վիկտոր Մնացականյանը ֆեյսբուքյան իր էջում լուսանկար է հրապարակել՝ կից գրելով. «Ոնց հասկացնենք քաղաքապետարանի պատասխանատուներին, որ բարեկարգման տենդերների առաջադրանք դնելուց նախագծողներին ու իրականացնողներին զգուշացնեն, որ Երևանի Պատմության և #Ինքնության մաս կազմող նման ֆորմաները պետք է աչքի լույսի պես պահպանել, հատկապես Կենտրոնում:
Իսկ հիմա հարց-խնդրանք, ո՞վ կարող է օգնել՝ գտնենք առաջվա Մշակույթի նախարարությունից մնացած (Հանրապետության և Թումանյան փողոցների խաչմերուկ) այս դարբնեգործ հայտարարությունների և գովազդների համար նախատեսված վահանակը»: