«Հազարավոր քաղաքացիներ վճարել են 100 դրամ. վաղը շարունակում ենք». Գրիգոր Երիցյան

1169

Երկուշաբթի, 03 փետրվարի, 2025 թ., 23:18

Երևանի ավագանու նախկին անդամ Գրիգոր Երիցյանը ֆեյսբուքյան իր էջում գրել է. «Այսօրվա բոյկոտը հաջողված էր. հազարավոր քաղաքացիներ վճարել են առավելագույնը 100 դրամ, մի մասն առհասարակ չի վճարել: Երևանի կեսն անվճար է երթևեկում, փաթեթներ շատ քիչ մարդ է գնել, տրոլեյբուսները հիմնականում դատարկ են, վարորդները որևէ խոչընդոտ չեն ստեղծում և մեծամասամբ համագործակցում են բոյկոտ իրականացնող քաղաքացիների հետ, ուսանողները գնալով ավելի ակտիվ են:
Տեխնիկական խնդիրներից՝ մեկանգամյա QR-ները սարքերը հաճախ չեն կարդում, ամսական 1 քարտով իրար հետևից 100-ից ավելի մարդ կարող է մետրո անցնել, «Թելսել»-ի թեժ գծերը հասանելի չեն խնդիրների ու բողոքների դեպքում, ավտոբուսները պիկ ժամերին այնքան լցված են, որ վալիդատորին ֆիզիկապես հասնել հնարավոր չէ անգամ տոմս ունենալու դեպքում:
Վաղվանից բոյկոտը շարունակվում է»:

Աղբյուրը` Գրիգոր Երիցյան