Փաշինյանն ԱՄՆ-ում հանդիպել է 1 սենատորի և 3 քոնգրեսականի հետ
![]() 502 Չորեքշաբթի, 05 փետրվարի, 2025 թ., 00:12 ՀՀ վարչապետ Նիկոլ Փաշինյանը հանդիպում է ունեցել ԱՄՆ Սենատի և Քոնգրեսի ներկայացուցիչներ՝ սենատոր Ռոջեր Ուիքերի (Հանրապետական կուսակցություն), քոնգրեսական Էնդի Հարրիսի (Հանրապետական կուսակցություն), քոնգրեսական Ֆրենկ Փալոնի (Դեմոկրատական կուսակցություն) և քոնգրեսական Ռիչարդ Հադսոնի (Հանրապետական կուսակցություն) հետ։ Հանդիպման ընթացքում քննարկվել են Հայաստանի և Միացյալ Նահանգների միջև ռազմավարական գործընկերության զարգացման հեռանկարները։ Վարչապետ Փաշինյանը կարևորել է ՀՀ և ԱՄՆ միջև ռազմավարական գործընկերության վերաբերյալ փաստաթղթի ստորագրումը՝ ընդգծելով ՀՀ Կառավարության հանձնառությունը խորացնելու և ընդլայնելու համագործակցությունը ԱՄՆ-ի հետ բոլոր ուղղություններով։ Վարչապետն ընդգծել է Միացյալ Նահանգների շարունակական աջակցությունը Հայաստանի պետական կառավարման համակարգի արդյունավետության բարձրացման, ժողովրդավարական ինստիտուտների ամրապնդման և բարեփոխումների իրականացման գործում։ Հանդիպման մասնակիցները կարևորել են տարածաշրջանում խաղաղության ու կայունության ապահովման անհրաժեշտությունը, ինչպես նաև Հայաստանի կառավարության «Խաղաղության խաչմերուկ» նախաձեռնության իրականացումը։ Վարչապետ Փաշինյանը վերահաստատել է Հայաստանի Կառավարության հավատարմությունը խաղաղության օրակարգին և կարևորել ԱՄՆ դերակատարությունը Հարավային Կովկասում կայունության ամրապնդման հարցում։ Սենատոր Ուիքերը և քոնգրեսականները վերահաստատել են իրենց աջակցությունը Հայաստան-ԱՄՆ հարաբերությունների զարգացմանը և ընդգծել ռազմավարական գործընկերության փաստաթղթով նախատեսված ոլորտներում համագործակցության խորացման կարևորությունը։ Նրանք նշել են նաև ԱՄՆ նոր վարչակազմի հետ ակտիվ երկխոսության անհրաժեշտությունը՝ երկկողմ օրակարգի շարունակական առաջմղման նպատակով։ Հանդիպման ընթացքում անդրադարձ է կատարվել Հայաստան-Ադրբեջան խաղաղության գործընթացին, տարածաշրջանային հաղորդակցության ուղիների ապաշրջափակման հնարավորություններին, ինչպես նաև երկկողմ և բազմակողմ ձևաչափերով համագործակցության զարգացման հեռանկարներին։ |
«ԱՄՆ-ն և Ռուսաստանը Ուկրաինայի հարցով կհանդիպեն մարտի 11-ին կամ 12-ին». Թրամփ
180Երեկ, 23:36Դատախազությունը Միհրան Պողոսյանից պահանջում է օֆշորային 2 ընկերության ձեռքբերման արժեքը, 10 միլիարդ դրամի գույք և այլն
142Երեկ, 21:42«Վայոց ձորի անտառտնտեսություն» մասնաճյուղի նախկին տնօրենից կբռնագանձվեն անշարժ գույքեր ու դրամական միջոցներ
175Երեկ, 21:00«Հայաստանի կողմից հնդկական հատուկ սարքավորումների ձեռք բերումը նախատեսված չէ օգտագործվելու համար». Արարատ Միրզոյան
159Երեկ, 20:42Նիդերլանդների արտաքին գործերի նախարարը կժամանի Հայաստան
132Երեկ, 20:18Վիճակահանությամբ որոշվել են ՏԻՄ ընտրություններին մասնակցող ուժերի հերթական համարները
142Երեկ, 16:42«Ոստիկանության ղեկավարության անունից կեղծ հաղորդագրություններ են տարածվում». ՆԳՆ
185Երեկ, 16:18Նիկոլ Փաշինյանը հեռախոսազրույց է ունեցել Եվրոպայի խորհրդի գլխավոր քարտուղարի հետ
135Երեկ, 14:42