«Ես արժանի եմ Նոբելյան մրցանակի, բայց ինձ երբեք այն չեն տա»․ Թրամփ

ԱՄՆ նախագահ Դոնալդ Թրամփը հայտարարել է, որ արժանի է Խաղաղության Նոբելյան մրցանակի։
«Ես արժանի եմ դրան, բայց ինձ երբեք չեն տա այն»,- ասել է Թրամփը՝ Սպիտակ տանը Իսրայելի վարչապետ Բենիամին Նեթանյահուի հետ հանդիպման ժամանակ։
Նախօրեին Արևելյան Թիմորի նախագահը նշել էր, որ պատրաստ է Թրամփին Խաղաղության Նոբելյան մրցանակի առաջադրել, եթե ուկրաինական ճգնաժամի հաղթահարմանն ու Գազայի հատվածում հակամարտության խաղաղ կարգավորմանն ուղղված նրա ջանքերը հաջողությամբ պսակվեն։ Բելառուսի նախագահ Ալեքսանդր Լուկաշենկոն նույնպես խոսել էր ուկրաինական հակամարտության կարգավորման դեպքում Թրամփին Նոբելյան մրցանակի առաջադրելու իր պատրաստակամության մասին՝ հավելելով, որ այդ մրցանակն արդեն «ոչ մի նշանակություն չունի»։