«Եթե Իրանն ինձ սպանի, այն կոչնչացվի»․ Թրամփ

ԱՄՆ նախագահ Դոնալդ Թրամփը հայտարարել է, որ իր ենթականերին հանձնարարել է ոչնչացնել Իրանին, եթե իր դեմ մահափորձ ձեռնարկեն, հայտնում է AP-ն։

«Ես հանձնարարական եմ թողել՝ եթե Իրանը դա անի, կոչնչացվի»,- ասել է Թրամփը։

ԱՄՆ դաշնային իշխանությունները տարիներ շարունակ վերահսկում են Թրամփի և վարչակազմի այլ պաշտոնյաների դեմ իրանական սպառնալիքները, գրում է AP-ն։

Ավելի վաղ ԱՄՆ նախագահ Դոնալդ Թրամփն Իրանի նկատմամբ առավելագույն ճնշում կիրառելու մասին հրամանագիր է ստորագրել՝ նավթի արտահանումը զրոյացնելու, Թեհրանի կողմից միջուկային զենք ձեռք բերելու գործընթացը կասեցնելու նպատակով։