Երեքշաբթի, 14 հոկտեմբերի, 2025 թ.
|
Ստեփանակերտում`   +12 °C

Թրամփի խաղաղության ծրագիրը կներկայացվի հաջորդ շաբաթ. Bloomberg

Թրամփի խաղաղության ծրագիրը կներկայացվի հաջորդ շաբաթ. Bloomberg
1238
Չորեքշաբթի, 05 փետրվարի, 2025 թ., 21:50

ԱՄՆ-ի նախագահ Դոնալդ Թրամփի վարչակազմը Մյունխենի անվտանգության համաժողովում, որը կկայանա փետրվարի 14-16-ը, կարող է Ուկրաինայի դեմ Ռուսաստանի պատերազմին վերջ տալու ծրագիր ներկայացնել, հայտնում է Bloomberg-ը։
Գործակալության աղբյուրների համաձայն՝ պլանը կներկայացնի Ուկրաինայի հարցով Թրամփի հատուկ ներկայացուցիչ Քիթ Քելլոգը։

Աղբյուրները հրաժարվել են ասել, թե որքան մանրամասն են իրենց կարծիքով քննարկումները լինելու կամ ինչ ձևաչափով են դրանք լինելու:

Ավելի վաղ NBC News-ը, հղում անելով աղբյուրներին, հայտնել էր, որ ԱՄՆ-ի նախագահի վարչակազմը կիսվել է Ուկրաինայի դեմ Ռուսաստանի պատերազմին վերջ տալու հարցում։ Թրամփի թիմի մի մասը ցանկանում է ճնշում գործադրել Մոսկվայի վրա՝ կանգնեցնելու համար Ռուսաստանի առաջխաղացումը: Այս գաղափարը պաշտպանում են նաև Քելլոգը և ազգային անվտանգության հարցերով խորհրդական Մայք Վալցը: Բայց կան նաև այնպիսիք, ովքեր հանդես են գալիս Ուկրաինային տրամադրվող օգնության կրճատման օգտին: NBC-ն չի հստակեցնում, թե Թրամփի թիմից ովքեր են աջակցում այդ գաղափարին։