«Կանանց սպորտն այսուհետ՝ բացառապես կանանց համար»․ Թրամփ

ԱՄՆ նախագահ Դոնալդ Թրամփը գեղեցիկ սեռի ներկայացուցիչների շրջապատում հրամանագիր է ստորագրել կանանց սպորտին տրանսգենդեր տղամարդկանց մասնակցությունն արգելելու մասին։

«Կանանց սպորտն այսուհետ լինելու է բացառապես կանանց համար»,- ասել է Թրամփը հրամանը ստորագրելուց առաջ։

«Որպես կին ներկայացած տղամարդիկ հաղթանակներ են գողացել ավելի քան 3500 մրցույթներում, ինչը չափազանց շատ է, և մասնակցել են կանանց համար նախատեսված ավելի քան 11 հազար մրցույթների»,- ընդգծել է ամերիկացի առաջնորդը։

Բացի այդ, Թրամփի հրամանի համաձայն՝ ԱՄՆ-ի ներքին անվտանգության նախարարությունը սեռափոխ եղած տղամարդ մարզիկներին մերժելու է վիզաներ տրամադրել։