«20 վայրկյան տևող տեսանյութում Նիկոլը 3 ֆոկուս է անում». Հրանտ Ավետիսյան

479

Կիրակի, 09 փետրվարի, 2025 թ., 00:18

Ակտիվիստ Հրանտ Ավետիսյանը ֆեյսբուքյան իր էջում լուսանկարներ է հրապարակել՝ կից գրելով. «Եվ նորից մեր ֆոկուսնիկ վարչապետը:
Ընդամենը 20 վայրկյան տևող տեսանյութում նիկոլը երեք ֆոկուս է անում:
1) «Թել-Սել»-ի տերմինալով կարողանում է գնել մեկ ուղևորատոմս, այն դեպքում, երբ մեկ տոմսը արժե 150 դրամ, իսկ տերմինալը 50 դրամանոց մետաղադրամ չի ընդունում:
2) Կրկեսի խաչմերուկից Պռոշյան փողոց գնալու համար նստում է 7 համարի ավտոբուսը, որը Պռոշյան փողոցով երբևէ անցած չկա:
3) Մեր ֆոկուսնիկը, նստելով 7 համարի ավտոբուսը, արդեն Պռոշյան փողոցում իջնում է 11 համարի ավտոբուսից: Պռոշյան փողոցով անցնում է երկու ավտոբուս՝ 11 և 49 համարների:
Էս մի ներկայացումդ էլ չստացվեց, մտահաղացման համար՝ 2, կատարելու համար՝ 1: Նստի՛ր դեբիլ»:

Աղբյուրը` Հրանտ Ավետիսյան