Թրամփը հայտարարել է, որ պատրաստ է գործարք կնքել Իրանի հետ․ #NYP

ԱՄՆ նախագահ Դոնալդ Թրամփը խոստովանել է, որ կնախընտրեր Իրանի հետ գործարք կնքել, քան ռազմական գործողություններ սկսել։ Թրամփը Վաշինգթոնի և Թեհրանի հարաբերությունների մասին խոսել է The New York Post-ին տված հարցազրույցում։

«Ես կցանկանայի Իրանի հետ գործարք կնքել միջուկային հարցերի շուրջ»,- ասել է նա։

Թրամփը հավելել է, որ իր համար դա ավելի նախընտրելի սցենար է, քան Իսլամական Հանրապետության ռմբակոծումը։

Ինչպես նշել է Թրամփը, նման գործարքը կկանխի Իսրայելի հարձակումները Իրանի վրա։ Նախագահը հույս է հայտնել, որ Թեհրանը կհրաժարվի իր ընթացիկ ծրագրերից, բայց միևնույն ժամանակ հրաժարվել է բացահայտել հնարավոր բանակցությունների մանրամասները։

«Չեմ կարող ասել, քանի որ դա չափազանց կոշտ է», - ասել է Թրամփը ի պատասխան հարցին, թե կոնկրետ ի՞նչ կարող է առաջարկել Իսլամական Հանրապետությանը համաձայնության դիմաց։