«Ռուսաստանը հաստատակամ է Հայաստանի և Ադրբեջանի միջև հարաբերությունների կարգավորման հարցում». Սերգեյ Կոպիրկին

Երևանում Ռուսաստանի դեսպան Սերգեյ Կոպիրկինը հայտարարել է Մոսկվայի «վճռականության» մասին՝ աջակցելու Ադրբեջանի և Հայաստանի միջև հարաբերությունների կարգավորմանը։

«Ռուսաստանը հաստատակամ է Հայաստանի և Ադրբեջանի միջև բոլոր ուղղություններով հարաբերությունների կարգավորմանն անհրաժեշտ օգնություն ցուցաբերելու հարցում՝ Ռուսաստանի, Հայաստանի և Ադրբեջանի ղեկավարների կողմից 2020-2022 թվականներին ձեռք բերված եռակողմ համաձայնագրերի մշակման ուղղությամբ, ներառյալ հավասարակշռված և փոխընդունելի խաղաղության պայմանագրի դրույթների մշակումը, սահմանների սահմանագծումը և սահմանազատումը և հաղորդակցությունների ապաշրջափակումը»,- ասել է նա։