Նեթանյահուն սպառնում է վերսկսել մարտերը Գազայում

841

Չորեքշաբթի, 12 փետրվարի, 2025 թ., 10:08

Իսրայելի վարչապետ Բենիամին Նեթանյահուն սպառնացել է վերսկսել մարտերը Գազայի հատվածում, եթե մինչև շաբաթ օրը ՀԱՄԱՍ-ն ազատ չարձակի պատանդներին:

«Հրամայել եմ Պաշտպանության բանակին կենտրոնացնել ուժերը Գազայի հատվածում: Որոշումը հետևյալն է. եթե մինչև փետրվարի 15-ի կեսօր ՀԱՄԱՍ-ը չվերադարձնի մեր պատանդներին, հրադադարը կչեղարկվի, և Պաշտպանության բանակը կվերսկսի ինտենսիվ մարտերը»,- ասել է Նեթանյահուն։

Օրեր առաջ ՀԱՄԱՍ-ը հայտարարել էր, որ դադարեցնում է պատանդների ազատ արձակումը՝ նշելով, որ որոշումը պայմանավորված է Իսրայելի կողմից հրադադարի ռեժիմի խախտմամբ: