Ուկրաինան կմասնակցի բանակցություններին. Կրեմլ

746

Հինգշաբթի, 13 փետրվարի, 2025 թ., 20:12

Ուկրաինան այս կամ այն կերպ անպայման կմասնակցի կարգավորման բանակցություններին, բայց «կլինի նաև երկկողմանի ռուս-ամերիկյան ուղի»,- ասել է Կրեմլի մամուլի քարտուղար Դմիտրի Պեսկովը։

Նրա խոսքով՝ Սաուդյան Արաբիան Վլադիմիր Պուտինի և Դոնալդ Թրամփի հանդիպման հավանական վայր է, «սակայն վերջնական որոշում դեռ չկա»։ Պեսկովը հավելել է, որ Ռուսաստանի և Միացյալ Նահանգների միջև աշխատանքային շփումները «առավել կընդլայնվեն առաջիկա օրերին և շաբաթներին»:

«Պուտինը մեծ հաճույքով կընդունի Մոսկվայում խոշոր երկրների ղեկավարներին, այդ թվում՝ Թրամփին, եթե նրանք որոշեն գալ մայիսի 9-ին»,- ասել է նա։