«Մենք պատրաստ ենք ճնշում գործադրել Ռուսաստանի վրա»․ ԱՄՆ փոխնախագահ

ԱՄՆ փոխնախագահ Ջեյմս Դեյվիդ Վենսը հայտարարել է, որ Վաշինգթոնը կարող է պատժամիջոցներ կիրառել Մոսկվայի դեմ, ինչպես նաև ամերիկյան զորքեր ուղարկել Ուկրաինա, եթե ՌԴ-ն հրաժարվի հակամարտության խաղաղ և արդար կարգավորումից, հայտնում է The Wall Street Journal-ը։

«Կան ազդեցության տնտեսական գործիքներ, և կան, իհարկե, ռազմական գործիքներ»,- ասել է նա՝ հավելելով, որ ԱՄՆ նախագահ Դոնալդ Թրամփը կարող է փոխել իր մոտեցումը՝ կախված նրանից, թե ինչպես կզարգանան բանակցությունները։ Վենսի խոսքով՝ Թրամփի վարչակազմը կձգտի համոզել Պուտինին, որ Ռուսաստանը կարող է ավելիին հասնել բանակցությունների սեղանի շուրջ, քան մարտի դաշտում։