ԱՄՆ-ում փոթորկի հետևանքով 10 մարդ է զոհվել

1913

Երկուշաբթի, 17 փետրվարի, 2025 թ., 12:32

Առնվազն 10 մարդ, այդ թվում՝ մեկ երեխա, մահացել է հանգստյան օրերին ԱՄՆ-ում մոլեգնած փոթորկի հետևանքով: Որոշ նահանգներ տուժել են ջրհեղեղներից, հայտնում է CNN-ը։

Քենտուկիում հորդառատ անձրևների պատճառով գետերը դուրս են եկել ափերից՝ հեղեղելով ճանապարհները։ Նահանգապետ Էնդի Բեշիրը հայտնել է, որ ջրհեղեղի հետևանքով արգելափակված հարյուրավոր մարդկանց պետք է փրկել:

Նրա խոսքով՝ նահանգում անբարենպաստ եղանակի պատճառով մահացել է առնվազն ինը մարդ, զոհերի թիվը կշարունակի աճել, քանի որ որոնողափրկարարական աշխատանքները շարունակվում են։ Մեկ մարդ մահացել է Ջորջիա նահանգում։

Աղետի պատճառով ԱՄՆ որոշ նահանգներում արտակարգ դրություն է հայտարարվել։