Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Սիրիան կմնա մեր սրտերում»․ Ասադի կինը խախտել է լռությունը

«Սիրիան կմնա մեր սրտերում»․ Ասադի կինը խախտել է լռությունը
490
Երկուշաբթի, 17 փետրվարի, 2025 թ., 14:25

«Սիրիան՝ իր ողջ հմայքով ու հարուստ պատմությամբ, մնում է մեր սրտերում: Մաղթում ենք ժողովրդին ապահովություն և բարգավաճում»։ Այս մասին X-ի իր էջում գրառում է արել Սիրիայի նախկին նախագահ Բաշար ալ-Ասադի կինը՝ Ասմա ալ Ասադը՝ խախտելով երկարատև լռությունը։

Նա հույս է հայտնել, որ երջանիկ օրերը դեռ կվերադառնան:

«Հայրենիքն անկոտրում ուժ է, իսկ նրա զավակները՝ անմահ հույս: Հայրենիքը սոսկ աշխարհագրական կետ չէ, այլ զգացում, որը մնում է մեր սրտերում՝ չնայած հեռավորությանը։ Կյանքի յուրաքանչյուր փուլ ունի իր դասը, և յուրաքանչյուր փոփոխություն ունի իր իմաստը: Յուրաքանչյուր մարդ ունի իր ճանապարհը, և որոշ ճանապարհներ երբեք իմ ընտրությունը չեն եղել»,- գրել է Ասմա ալ Ասադը:

Հիշեցնենք, որ դեկտեմբերի 8-ին Սիրիայում իշխանափոխությունից հետո նախագահ Բաշար Ասադը լքել էր երկիրը: Ասադն ընտանիքի հետ մեկնել էր Մոսկվա։