«Լավրովը և Ուշակովը Էր Ռիադում հանդիպում կունենան ԱՄՆ ներկայացուցիչների հետ»․ Պեսկով

ՌԴ արտգործնախարար Սերգեյ Լավրովը և նախագահի օգնական Յուրի Ուշակովը Էր Ռիադում հանդիպում կունենան ԱՄՆ ներկայացուցիչների հետ, հայտնել է ՌԴ նախագահի մամուլի քարտուղար Դմիտրի Պեսկովը։
«Նախատեսվում է, որ երեքշաբթի Էր Ռիադում նրանք հանդիպում կունենան իրենց ամերիկացի գործընկերների հետ, որի ընթացքում նախևառաջ կքննարկվեն ռուս-ամերիկյան հարաբերությունների վերականգնմանն ուղղված հարցեր»,- ասել է Պեսկովը։

«Հանդիպումը նվիրված կլինի ուկրաինական կարգավորման շուրջ հնարավոր բանակցությունների նախապատրաստմանը և երկու նախագահների հանդիպման կազմակերպմանը»,- հավելել է նա։