«Լեհաստանն իր զինվորներին չի ուղարկի Ուկրաինա, բայց կաջակցի ուղարկողներին»․ Տուսկ

Լեհաստանն իր զինվորներին չի ուղարկի Ուկրաինա, բայց կաջակցի այն երկրներին, որոնք դա անում են, լրագրողներին հայտնել է Լեհաստանի վարչապետ Դոնալդ Տուսկը՝ Փարիզ մեկնելուց առաջ, որտեղ նա կմասնակցի Եվրոմիության արտակարգ գագաթնաժողովին։
«Շատ շահարկումներ և ենթադրություններ կան այն հարցի շուրջ, թե արդյո՞ք Փարիզում կքննարկվի՝ ո՞վ և ե՞րբ զորք կուղարկի Ուկրաինա: Ինչ վերաբերում է Լեհաստանին, մենք կաջակցենք Ուկրաինային, ինչպես մինչ հիմա էինք անում՝ կազմակերպչական, հումանիտար և ռազմական օգնություն տրամադրելով։ Մենք չենք նախատեսում մեր զինվորներին ուղարկել Ուկրաինայի տարածք... Միևնույն ժամանակ, մենք նյութատեխնիկական և քաղաքական աջակցություն կտրամադրենք այն երկրներին, որոնք կցանկանան նման երաշխիքներ տալ Ուկրաինային, ես կասեի՝ ֆիզիկական երաշխիքներ»,- ասել է Տուսկը։