ԱՄՆ-ի հատուկ ներկայացուցիչը վստահեցրել է` ոչ ոք չի պարտադրի խաղաղ համաձայնագիր Ուկրաինային

Ուկրաինայի հարցով ԱՄՆ-ի հատուկ ներկայացուցիչ Քիթ Քելոգը պնդել է, որ ոչ ոք չի պարտադրի խաղաղ համաձայնագիր Ուկրաինայի նախագահ Վլադիմիր Զելենսկիին, գրում է The Guardian-ը։

Միացյալ Նահանգները բոլորից կլսի «քննարկման հարցերը», ասել է նա՝ հավելելով, որ իր գործն Ուկրաինայի անվտանգության երաշխիքների խթանումն է։

Ուկրաինա ուղևորությունը դեռ վերջնական տեսքի բերվելու փուլում է, ասել է նա՝ նշելով, որ կհանդիպի Վլադիմիր Զելենսկու հետ։

Ավելի վաղ Ուկրաինայի նախագահը NBC News-ին ասել էր, որ «երբեք որևէ որոշում չի կայացնի» ԱՄՆ-ի և Ռուսաստանի միջև առանց Ուկրաինայի մասնակցության։