«ԵՄ գագաթնաժողովը հաստատեց, որ Ուկրաինան արժանի է խաղաղության` ուժի միջոցով». Ֆոն դեր Լայեն

«Փարիզում մենք հաստատեցինք, որ Ուկրաինան արժանի է խաղաղության՝ ուժի միջոցով»։ Այս մասին հայտարարել է Եվրոհանձնաժողովի նախագահ Ուրսուլա ֆոն դեր Լայենը։

Նրա խոսքով՝ դա պետք է լինի «խաղաղություն՝ երկրի անկախության, ինքնիշխանության, տարածքային ամբողջականության նկատառումով՝ անվտանգության հուսալի երաշխիքներով»,- գրել է նա՝ X-ի իր էջում:

«Եվրոպան Ուկրաինային տրամադրում է ռազմական օգնության իր ողջ բաժինը։ Միևնույն ժամանակ մենք պետք է ուժեղացնենք պաշտպանությունը Եվրոպայում»,- հավելել է պաշտոնյան։

Փարիզում կայացած գագաթնաժողովին մասնակցել են Լեհաստանի, Իսպանիայի, Նիդեռլանդների, Գերմանիայի, Մեծ Բրիտանիայի, Իտալիայի, Դանիայի և Եվրոմիության ղեկավարները, ինչպես նաև ՆԱՏՕ-ի գլխավոր քարտուղար Մարկ Ռյուտեն։ Մինչև հանդիպումը Ֆրանսիայի նախագահ Էմանուել Մակրոնը հեռախոսազրույց է ունեցել Դոնալդ Թրամփի հետ։