Ադրբեջանի վարչապետն Իրանի նախագահի հետ քննարկել է տարածաշրջանային նոր իրողությունների հետ կապված հրատապ հարցեր

1558

Երեքշաբթի, 18 փետրվարի, 2025 թ., 17:55

Փետրվարի 18-ին Թեհրան կատարած աշխատանքային այցի շրջանակներում Ադրբեջանի վարչապետ Ալի Ասադովը հանդիպել է Իրանի նախագահ Մասուդ Փեզեշքիանի հետ։
Ինչպես հայտնում են նախարարների կաբինետից, Ասադովը Փեզեշքյանին է փոխանցել Ադրբեջանի նախագահ Իլհամ Ալիևի ողջույնները։

Հանդիպմանը մտքերի փոխանակություն է տեղի ունեցել բարեկամության և բարիդրացիության սկզբունքների հիման վրա ադրբեջանա-իրանական հարաբերությունների զարգացման շուրջ, քննարկվել են տրանսպորտի, էներգետիկայի և նավթագազային ոլորտներում Ադրբեջանի և Իրանի միջև համատեղ նախագծերի իրականացման հետ կապված հարցեր։

Ընդգծվել է Կասպյան III տնտեսական ֆորումի կարևորությունը և քննարկվել այլ հրատապ հարցեր՝ հաշվի առնելով տարածաշրջանում նոր իրողությունները։