«Մահվանը պարտված Ավետիքի դեմքը մեր պարտության դեմքն էր». Մարինե Պետրոսյան

Բանաստեղծուհի Մարինե Պետրոսյանը ֆեյսբուքյան իր էջում գրել է․ «Երեկ հայացքս չէի կարողանում կտրել
հոգեհանգստի սրահում պառկած
Ավետիքի դեմքից։
Չէ, էդ Ավետիքը չէր արդեն,
էդ մահվան դեմքն էր։
Իսկ սրահում լիքը մարդիկ կային,
լիքը մարդիկ էլ դրսում էին կանգնած,
լիքը մարդիկ էլ պսակներ էին ուղարկել։
Մենք բոլորս հայեր էինք՝
Արցախում հաղթած,
հետո պարտված հայեր։
Եվ մահվանը պարտված Ավետիքի դեմքը
մեր պարտության դեմքն էր։
Ու ես մտածում էի—երանի երանի
մի օր մենք բոլորս հավաքվենք ուրիշ,
բոլորովին ուրիշ մի սրահում,
և էկրանից մեզ նայի էն մյուս՝
էն ուրախ, քրքջացող Ավետիքը։
Եվ մենք իրան ասենք—
Ավետիք, մենք չհաշտվեցինք մեր անկումի հետ,
Ավետիք, մենք նորից հաղթեցինք։
Եվ դու նորից մեզ հետ ես»։