«Հիասթափված եմ Ուկրաինայի դիրքորոշումից»․ Թրամփ

ԱՄՆ նախագահ Դոնալդ Թրամփն Էր Ռիադում ռուսական և ամերիկյան պատվիրակությունների բանակցությունները «շատ լավ» է որակել։

Պատասխանելով լրագրողների հարցերին՝ Թրամփն ասել է, որ հանդիպումից հետո ինքը «շատ ավելի վստահ է», որ Ռուսաստանի և Ուկրաինայի միջև կարգավորման շուրջ համաձայնություն ձեռք կբերվի։ Հանրապետականը վստահություն է հայտնել, որ ռուսական կողմը «ցանկանում է ինչ-որ բան անել և դադարեցնել բարբարոսությունը»։

«Մենք ուզում ենք վերջ տալ սրան։ Սա անիմաստ պատերազմ է»,- ասել է Թրամփը՝ կրկնելով, որ իր պաշտոնավարման պարագայում մարտերը չէին սկսվի։

Միաժամանակ հանրապետականը նշել է, որ հիասթափված է Ուկրաինայի դիրքորոշումից, որը բանակցություններին հրավիրված չէր։ «Ուկրաինան երեք տարի ուներ բանակցությունների սեղանի շուրջ նստելու համար»,- ասել է Թրամփը։

Ավելի վաղ նախագահ Վլադիմիր Զելենսկին հայտարարել էր, որ Ուկրաինան չի ճանաչի հանդիպման արդյունքները, իսկ մինչ այդ նա կոչ էր արել Արևմուտքին չբանակցել՝ առանց Կիևի մասնակցության։