Իսրայելի ռազմական դատախազությունը մեղադրանք է ներկայացրել իսրայելցի 5 զինվորի նկատմամբ

930

Չորեքշաբթի, 19 փետրվարի, 2025 թ., 18:14

Իսրայելի զինվորական դատախազը մեղադրանք է առաջադրել հինգ իսրայելցի զինվորների՝ 2024 թվականի հուլիսին Սդե Թայման ռազմաբազայում պաղեստինցի բանտարկյալի նկատմամբ դաժան վերաբերմունքի համար։

Իսրայելի Times of Israel-ի կողմից վկայակոչված Իսրայելի պաշտպանության բանակի հայտարարության մեջ ասվում է, որ մեղադրական եզրակացությունը հիմնված է ռազմական ոստիկանության հետաքննության վրա, որն ուսումնասիրել է «լայնածավալ բժշկական գրառումները և հսկողության տեսագրությունները կալանավայրից»: Այս կադրերի մի մասը հրապարակվել էր անցած օգոստոսին:

Մեղադրանքը ներկայացվել է Իսրայելի պաշտպանության ուժերի Force 100 հակաահաբեկչական ստորաբաժանման զինվորներին: 2024 թվականին նրանց հանձնարարվել է Սդե Թայման բազայում հսկել ահաբեկչության համար կասկածվող պաղեստինցիների: Մեղադրական եզրակացության մեջ ասվում է, որ կասկածյալներից մեկին խուզարկելու ժամանակ կասկածյալները հարվածել են նրա ամբողջ մարմնին մահակներով, ինչպես նաև օգտագործել էլեկտրաշոկ: Տղամարդը հոսպիտալացվել է և վիրահատվել։

Ինչպես նշում է The Times of Israel-ը, «տարբեր զեկույցներ պնդում են», որ «կամայական պատիժը» սովորական է բազայում, ինչը դրդում է հետաքննություն սկսել նման միջադեպերի վերաբերյալ։