«ՀԱՄԱՍ-ի կողմից Իսրայելին փոխանցված կնոջ մարմինը չի հաջողվել նույնականացնել»․ Իսրայելի ՊԲ

Երեկ ՀԱՄԱՍ-ի կողմից Իսրայելին փոխանցված կնոջ մարմինը չի պատկանում Շիրի Բիբասին կամ մեկ այլ պատանդի, հայտնել են Իսրայելի պաշտպանության բանակից։

Նախօրեին ՀԱՄԱՍ-ը հայտարարել էր, որ Իսրայելին է փոխանցել 83-ամյա Օդեդ Լիֆշիցի, ինչպես նաև Շիրի Բիբասի և նրա երեխաների՝ Արիելի և Քֆիրի աճյունները։ Զոհերի մարմինները տեղափոխվել են Թել Ավիվի դատաբժշկական կենտրոն նույնականացման համար։

Փորձագետները նույնականացրել են երեք պատանդների՝ Շիրի Բիբասի և Օդեդ Լիֆշիցի երեխաների մարմինները, գրում է The Times of Israel-ը։ Կնոջ մարմինը, որը, ըստ Համասի, Շիրի Բիբասինն է, չի հաջողվել նույնականացնել: Իսրայելի պաշտպանության բանակը հայտնել է, որ կնոջ դին չի պատկանում Շիրի Բիբասին կամ որևէ այլ պատանդի, և դա «լուրջ խախտում է ՀԱՄԱՍ ահաբեկչական կազմակերպության կողմից, որը, համաձայն պայմանագրի, պարտավոր է վերադարձնել չորս զոհված պատանդներին»։

Փորձաքննության արդյունքների համաձայն՝ Շիրի Բիբասի երեխաները սպանվել են 2023 թվականի նոյեմբերին։ Արիելը չորս տարեկան էր, Քֆիրը՝ տասը ամսական։