Տուսկն առաջարկել է Ուկրաինայի հարցում ԵՄ գործողությունների երեք տարբերակ

Ռուսաստանի և ԱՄՆ-ի միջև առանց Եվրոպայի մասնակցության բանակցությունների ֆոնին Լեհաստանի վարչապետ Դոնալդ Տուսկը X սոցցանցում պահանջել է գործի անցնել և առաջարկել է Ուկրաինայի հակամարտության կարգավորման հարցում ԵՄ գործողությունների երեք տարբերակ։

«1.Եկեք Ուկրաինային մեր օգնությունը ֆինանսավորենք սառեցված ռուսական ակտիվներից: 2. Ուժեղացնենք օդային պաշտպանությունը, Բալթյան երկրների և ԵՄ-ի՝ Ռուսաստանի հետ ունեցած սահմանների պաշտպանությունը: 3. Շտապ ընդունենք նոր ֆինանսական կանոններ ԵՄ անվտանգության և պաշտպանության ֆինանսավորման համար: Հիմա՛», — գրել է նա։

Նախօրեին Տուսկը հայտարարել էր, որ Ուկրաինայի հարկադիր կապիտուլյացիան կնշանակի ամբողջ արեւմտյան հանրության կապիտուլյացիա՝ դրանից բխող բոլոր հետեւանքներով։