Զելենսկին պատրաստ է հեռանալ, եթե դա կօգնի Ուկրաինայի խաղաղությանը

Ուկրաինայի նախագահ Վլադիմիր Զելենսկին հայտարարել է, որ պատրաստ է հեռանալ իր պաշտոնից՝ հանուն երկրում խաղաղության։

Այդ մասին նա հայտարարել է փետրվարի 23-ին՝ ելույթ ունենալով Կիևում «Ուկրաինա. 2025 թվական» ֆորումին։

«Եթե խաղաղությունը հանուն Ուկրաինայի է, եթե ձեզ իսկապես պետք է, որ ես թողնեմ իմ պաշտոնը, ապա ես պատրաստ եմ։ Երկրորդ տարբերակ. կարող եմ փոխանակել այն (նկատի ունի իշխանությունը-խմբ.) ՆԱՏՕ-ի հետ, եթե այդպիսի պայման լինի։
Միանգամից ասում եմ՝ երկար չխոսելու համար։ Ես մտադիր չեմ տասնամյակներ շարունակ լինել իշխանության ղեկին»,- ասել է Զելենսկին։

Ուկրաինայում նախագահական ընտրությունները պետք է անցկացվեին 2024 թվականի ապրիլին, սակայն Ուկրաինայի սահմանադրությունն արգելում է նախընտրական քարոզարշավը պատերազմի ժամանակ։