Կիրակի, 01 նոյեմբերի, 2026 թ.
|
Ստեփանակերտում`   +12 °C

«ՀՀ և Իրանի ԱԳ նախարարները քննարկել են տրանսպորտային հաղորդակցությունների ապաշրջափակման հարցը»․ ՀՀ ԱԳՆ

«ՀՀ և Իրանի ԱԳ նախարարները քննարկել են տրանսպորտային հաղորդակցությունների ապաշրջափակման հարցը»․ ՀՀ ԱԳՆ
752
Երկուշաբթի, 24 փետրվարի, 2025 թ., 16:36

ՀՀ ԱԳՆ-ն հայտնում է․ «Փետրվարի 24-ին Ժնևում ՀՀ ԱԳ նախարար Արարատ Միրզոյանը հանդիպում է ունեցել ԻԻՀ ԱԳ նախարար Սեյեդ Աբբաս Արաղչիի հետ։ Հանդիպումը կայացել է ՄԱԿ-ի մարդու իրավունքների խորհրդի նիստի շրջանակներում:

Հայաստանի և Իրանի նախարարները քննարկել են երկկողմ հարաբերությունների օրակարգային հարցեր։ Ընդգծվել է երկու երկրների կողմերի միջև համագործակցության շարունակական զարգացման ուղղությամբ գործնական քայլերի պատրաստակամությունը, անդրադարձ է կատարվել տարբեր ոլորտային ուղղություններով իրականացվող աշխատանքներին ու առաջիկա ծրագրերին։

Հանդիպմանն անդրադարձ է կատարվել նաև տարբեր ձևաչափերով փոխգործակցության հնարավորություններին։

Արարատ Միրզոյանը և Սեյեդ Աբբաս Արաղչին մտքեր են փոխանակել տարածաշրջանային զարգացումների շուրջ։ Անդրադարձ է կատարվել Հարավային Կովկասում կայունության և հարատև խաղաղության ապահովմանն ուղղված ջանքերին։

Հանդիպմանն անդրադարձ է կատարվել տարածաշրջանային տնտեսական և տրանսպորտային հաղորդակցությունների ապաշրջափակման հարցերի՝ հիմնված միջազգային իրավունքի հիմնարար սկզբունքների անվերապահ հարգման վրա»։

«Արարատ Միրզոյանը և Սեյեդ Աբբաս Արաղչին մտքեր են փոխանակել տարածաշրջանային զարգացումների շուրջ»․ ՀՀ ԱԳՆ
Աղբյուրը`   ՀՀ ԱԳՆ