Ֆրանսիան Եվրոպային «միջուկային վահան» է առաջարկել․ #TheTelegraph

Ֆրանսիան պատրաստ է տրամադրել իր միջուկային լիցքով կործանիչները Գերմանիայում տեղակայելու համար՝ Եվրոպայից ամերիկյան զորախմբի դուրսբերման դեպքում, գրում է The Telegraph-ը՝ հղում անելով տարբեր աղբյուրների։

«Գերմանիայում մի քանի ֆրանսիական միջուկային կործանիչների տեղակայումը դժվար չի լինի և ուժեղ ազդանշան կլինի Ռուսաստանի համար»,- նշել է աղբյուրը։

Գերմանիան չունի սեփական միջուկային զենք, սակայն ՆԱՏՕ-ի միջուկային փոխանակման համաձայնագրերի համաձայն՝ ամերիկյան մոտ 20 միջուկային ռումբ տեղակայված է Գերմանիայում գտնվող ամերիկյան Բյուխել ավիաբազայում։

Թերթի զրուցակիցը վստահեցրել է, որ գերմանական կողմը «պատրաստ է վճարել» Ֆրանսիայի պաշտպանության համար։

Ավելի վաղ Գերմանիայի հաջորդ վարչապետ, ՔԴՄ առաջնորդ Ֆրիդրիխ Մերցը պաշտպանել էր ԱՄՆ-ից անկախ եվրոպական միջուկային զսպող միջոց ստեղծելու գաղափարը։