Tesla-ի վաճառքը Եվրոպայում գրեթե կրկնակի անկում է գրանցել

24776

Երեքշաբթի, 25 փետրվարի, 2025 թ., 22:50

Հունվարին Իլոն Մասկի ընկերությունը վաճառել է ընդամենը 9945 ավտոմեքենա, ինչը 45%-ով պակաս է, քան մեկ տարի առաջ։ Միևնույն ժամանակ, էլեկտրամոբիլների ընդհանուր շուկան աճել է 37%-ով։

Tesla-ն Գերմանիայում վաճառել է 1277 նոր ավտոմեքենա, ինչն ամենացածր արդյունքն է 2021 թվականի հուլիսից ի վեր։ Ֆրանսիայում վաճառքները նվազել են 63%-ով, իսկ Մեծ Բրիտանիայում ընկերությունը վաճառքի առումով պարտվել է չինական BYD-ին:

Վերլուծաբանները անկումը կապում են նոր Model Y-ին անցմամբ պայմանավորված պահուստների պակասի հետ. ֆինանսական տնօրեն Վայբհավ Թանեջան նախազգուշացրել էր թարմացումների պատճառով ուշացումների մասին:

Tesla-ի բաժնետոմսերը մեկ շաբաթ առաջ NASDAQ-ում էժանացել են 6,34%-ով և 5 առևտրային սեսիաներում կորցրել են գրեթե 17%: Ընկերության արժեքը նվազել է ավելի քան 200 միլիարդ դոլարով այն մտավախությունների ֆոնին, որ Tesla-ն հետ է մնում այնպիսի մրցակիցներից, ինչպիսին է BYD-ը, որը հագեցված է DeepSeek արհեստական ինտելեկտով: