Թրամփը լրագրողներին «Թրամփն ամեն ինչում ճիշտ էր» գրությամբ գլխարկներ է բաժանել

ԱՄՆ նախագահ Դոնալդ Թրամփը Սպիտակ տան լրագրողներին «Թրամփն ամեն ինչում ճիշտ էր» մակագրությամբ գլխարկներ է բաժանել, հայտնում է РИА Новости-ն։ Օվալաձև աշխատասենյակում տեղի ունեցած միջոցառմանը վարչակազմի աշխատակիցները նախագահին նվիրեցին հուշանվերների խմբաքանակը:
Թրամփի խոսքով՝ գլխարկներն ուղարկվել են երկրպագուի կողմից: Նախագահը որպես հուշանվեր առաջարկել է դրանք լրագրողներին, որոնցից շատերը սիրով ընդունել են առաջարկը։

Հանդիպման ընթացքում Թրամփն անդրադարձել է նաև Մեքսիկական ծոցը Ամերիկայի ծոց վերանվանելու թեմային՝ ասելով, որ ամեն անգամ քարտեզի վրա նոր անվանումը տեսնելիս ուժեղ հույզեր ու հիացմունք է ապրում, սակայն փորձում է թաքցնել զգացմունքները։