Թաիլանդում ավտոբուսի վթարի հետևանքով 19 զբոսաշրջիկ է մահացել

2207

Չորեքշաբթի, 26 փետրվարի, 2025 թ., 12:32

Թաիլանդում երկհարկանի ավտոբուսի վթարի հետևանքով 19 զբոսաշրջիկ է մահացել, 30-ը՝ վիրավորվել։ Մեկ մարդ համարվում է անհետ կորած։

Զբոսաշրջիկներ տեղափոխող երկհարկանի ավտոբուսն արգելակման խափանման պատճառով բախվել է արգելապատնեշին և ընկել բլուրից։ Բուեն Կան նահանգից ավտոբուսը շարժվում էր դեպի Ռայոնգ նահանգ։

Տեղական լրատվամիջոցները գրում են, որ բազմաթիվ շրջադարձերով ճանապարհի այս հատվածում գրեթե ամեն օր պատահարներ են տեղի ունենում, որոնց հետևանքով վիրավորներ ու զոհեր են լինում։