«Թուրքիան պատրաստ է աջակցել Ուկրաինայում կարգավորման նախաձեռնություններին»․ Ֆիդան

Թուրքիան պատրաստ է ցանկացած աջակցություն ցուցաբերել ուկրաինական հակամարտությունը լուծելու նախաձեռնություններին և բոլոր կողմերի մասնակցությամբ գործընթացին, հայտարարել է երկրի արտգործնախարար Հաքան Ֆիդանը։
«Մենք ցանկանում ենք, որ Ուկրաինայում պատերազմը հնարավորինս շուտ ավարտվի: Որպես երկիր՝ մենք աջակցում ենք նախաձեռնություններին, որոնցում ներգրավված են երկու կողմերը: Մենք պատրաստ ենք ցանկացած աջակցություն ցուցաբերել՝ ներառյալ խաղաղ բանակցությունների կազմակերպումը», - չորեքշաբթի Անկարայում իր վրացի գործընկերոջ հետ կայացած մամուլի ասուլիսում ասել է Թուրքիայի ԱԳՆ ղեկավարը։