Զելենսկին պաշտոնանկ է արել Ուկրաինայի ԶՈՒ միացյալ ուժերի հրամանատարին

857

Չորեքշաբթի, 26 փետրվարի, 2025 թ., 23:00

Ուկրաինայի նախագահ Վլադիմիր Զելենսկին հրամանագիր է ստորագրել բրիգադային գեներալ Անդրեյ Գնատովին Ուկրաինայի զինված ուժերի միացյալ ուժերի հրամանատարի պաշտոնից ազատելու մասին։ Փաստաթուղթը ստորագրվել է այսօր և արդեն հրապարակվել է։
Հիշեցնենք, որ Գնատովը եղել է «Արևելք» օպերատիվ հրամանատարության հրամանատարը, իսկ միացյալ ուժերի հրամանատարի պաշտոնում նշանակվել է 2024 թվականի հունիսի 24-ին։

Մեկ ամիս առաջ Զելենսկին հեռացրեց Գնատովին արևելյան ճակատից, բանից հետո, երբ ռուսական զորքերը դուրս մղեցին Ուկրաինայի զինված ուժերը Դոնեցկի Վելիկա Նովոսիլկայից: Դրանից հետո Գնատովին ուղարկեցին շտաբի և ռազմաճակատի համակարգումը բարելավելու, սակայն իրավիճակը չբարելավվեց։