«ԵՄ-ն պետք է պատրաստ լինի նպաստել Ուկրաինայի անվտանգության ապագա երաշխիքներին»․ Կոշտա

ԵՄ առաջնորդները մարտի 6-ին կհանդիպեն արտակարգ գագաթնաժողովում՝ քննարկելու Ուկրաինայի անվտանգության եվրոպական երաշխիքները և ինքնիշխան պաշտպանական միջոցները: Այս մասին հայտարարել է Եվրոպական խորհրդի ղեկավար Անտոնիու Կոշտան՝ ԵՄ առաջնորդների հետ հանդիպման բաց նամակ-հրավերով, որը հրապարակել է նրա մամուլի ծառայությունը։

Մասնակիցները կանդրադառնան եվրոպական պաշտպանությանը՝ նպատակ ունենալով կարճաժամկետ կտրվածքով նախնական որոշումներ կայացնել, որպեսզի Եվրոպան դառնա ավելի արդյունավետ և ավելի պատրաստված՝ արձագանքելու անվտանգության ներկա և ապագա մարտահրավերներին»,- ասել է Կոշտան:

«ԵՄ-ն պետք է պատրաստ լինի նպաստել Ուկրաինայի անվտանգության ապագա երաշխիքներին, որոնք անհրաժեշտ են երկարաժամկետ խաղաղություն ապահովելու համար»,- հավելել է ԵԽ ղեկավարը։