Շաբաթ, 15 նոյեմբերի, 2025 թ.
|
Ստեփանակերտում`   +8 °C

«Ալեն Սիմոնյանն ախրանայով է երթևեկում, ո՞նց դարձավ նախագծի համահեղինակ». Գեղամ Մանուկյան

«Ալեն Սիմոնյանն ախրանայով է երթևեկում, ո՞նց դարձավ նախագծի համահեղինակ». Գեղամ Մանուկյան
1784
Հինգշաբթի, 27 փետրվարի, 2025 թ., 12:30

«Այն, որ նախաձեռնության հեղինակներից մեկն Արմեն Խաչատրյանն է, հասկանալի է, երկար տարիներ ՃՈ-ում է աշխատել: Մյուս համահեղինակները՝ Ալեն Սիմոնյանն ու Ռուբեն Ռուբինյանը, ծառայողական մեքենաներով են երթևեկում, հատկապես՝ Սիմոնյանը ախրանայով է երթևեկում, ո՞նց եղավ, որ նրանք դարձան համահեղինակ»,- «Վարչական իրավախախտումների վերաբերյալ օրենսգրքում փոփոխություններ կատարելու մասին» նախագծի քննարկման ժամանակ ասաց ընդդիմադիր պատգամավոր Գեղամ Մանուկյանը:

«Նախագիծը ծնվել է պետություն-օրենսդիր մարմին-հասարակություն երկխոսության արդյունքներով: Էնքան, ինչքան ես եմ բողոքներ, կարծիքներ ստանում, հաստատ այդքան էլ Ալեն Սիմոնյանն ու Ռուբեն Ռուբինյանն են ստանում»,- Գեղամ Մանուկյանի հարցին ի պատասխան՝ ասաց ՔՊ-ական Արմեն Խաչատրյանը:

Ինչպես հայտնի է, վարորդներին յուրաքանչյուր տարի տրամադրվում է տուգանային 9 միավոր: Փոփոխությունով՝ 9 միավորի փոխարեն նախատեսվում է 13 միավոր: Միաժամանակ խստացվում են այն խախտումների համար պատասխանատվության միջոցները, որոնք վերաբերում են անվտանգությանը:

ԱԺ պաշտպանության և անվտանգության հարցերի մշտական հանձնաժողովի հերթական նիստ