«Միասին մեր երկրները կարող են Եվրոպայի համար մեծ բաների հասնել»․ Մերց

839

Հինգշաբթի, 27 փետրվարի, 2025 թ., 18:08

Բունդեսթագի արտահերթ ընտրություններում հաղթած՝ Գերմանիայի կանցլերի թեկնածու Ֆրիդրիխ Մերցը Փարիզում հանդիպել է Ֆրանսիայի նախագահ Էմանուել Մակրոնի հետ։

«Հարգելի՛ Էմանուել Մակրոն, շատ շնորհակալ եմ ձեր բարեկամության և գերմանա-ֆրանսիական հարաբերություններում վստահության համար: Միասին մեր երկրները կարող են Եվրոպայի համար մեծ բաների հասնել»,- X-ում գրել է Մերցը:

Մերցի և Մակրոնի միջև Ելիսեյան պալատում երեք ժամ տևած զրույցից հետո քաղաքական գործիչները «գերմանա-ֆրանսիական հարաբերություններում նոր էջ բացելու կամք» են դրսևորել, dpa-ի փոխանցմամբ՝ ասվում է Քրիստոնեադեմոկրատական դաշինքի հայտարարության մեջ: Հաղորդվում է, որ «բանակցություններն ընթացել են բացառիկ բարեկամական մթնոլորտում, մի շարք թեմաների շուրջ ձեռք է բերվել մեծ համաձայնություն»։