Չինաստանում մահապատժի են ենթարկել 17 երեխայի առևանգած կնոջը

1967

Ուրբաթ, 28 փետրվարի, 2025 թ., 13:14

Չինաստանը մահապատժի է ենթարկել 61-ամյա Յու Հուայինգին, ով հանցակիցների հետ 1993-2003թթ․ ընթացքում առևանգել և վաճառել է 17 երեխայի, հաղորդում է ՉԺՀ Գերագույն ժողովրդական դատախազությունը։
2024 թվականի հոկտեմբերին հարավային Չինաստանի Գույչժոու նահանգի դատարանը մահապատժի էր դատապարտել Յու Հուայինգին։

Նշվում է, որ Յու Հուայինգն առաջինը վաճառել է իր իսկ երեխային։ 2004 թվականին նա արդեն ձերբակալվել էր երեխաների առևանգման և վաճառքի համար, սակայն նա կարողացել էր իրեն ուրիշ անձի տեղ դնել և արդյունքում դատապարտվել էր ընդամենը 8 տարվա ազատազրկման։