Շաբաթ, 19 հուլիսի, 2025 թ.
|
Ստեփանակերտում`   +20 °C

Tesla-ի ցուցասրահների մոտ բողոքի ակցիաներ են անցկացվում Մասկի դեմ

Tesla-ի ցուցասրահների մոտ բողոքի ակցիաներ են անցկացվում Մասկի դեմ
789
Կիրակի, 02 մարտի, 2025 թ., 17:43

ԱՄՆ-ում և եվրոպական որոշ քաղաքներում բողոքի ցույցեր են տեղի ունեցել Դոնալդ Թրամփի վարչակազմում Իլոն Մասկի գործողությունների դեմ։
CNN-ը հայտնում է, որ Բոսթոնի, Փորթլենդի, Վաշինգթոնի, Թուսոնի (Արիզոնա) ու Քալիֆորնիայի և Ֆլորիդայի մի քանի քաղաքների բնակիչները դուրս են եկել փողոց։ Բողոքի ցույցերին առաջին անգամ մասնակցել են նաև եվրոպացիները՝ հավաքվելով Լոնդոնի, Բարսելոնայի, Լիսաբոնի և Ռեյկյավիկի Tesla խանութների մոտ։ Ընդհանուր առմամբ, հանգստյան օրերին տեղի է ունեցել շուրջ 50 բողոքի ակցիա։

Ցուցարարները դժգոհություն են հայտնել Մասկի գործողություններից և հայտարարություններից, այդ թվում՝ Դոնալդ Թրամփի կողմից ստեղծված Կառավարության արդյունավետության դեպարտամենտում (DOGE) նրա աշխատանքի համատեքստում։ Ցուցարարները կոչ են արել բոյկոտել Tesla-ի արտադրանքը և ընկերության բաժնետերերին խորհուրդ են տվել անվստահություն հայտնել Մասկին։